Este mércores 4 de novembro celebrouse a VI Xornada da Ciencia en Galego organizada pola Coordinadora Galega de ENDL e a Universidade da Coruña.No noso centro apuntámonos á actividade central desta data, a videoconferencia "A máquina que constrúe a mente e a realidade", do profesor do Departamento de Medicina da UdC Xurxo Mariño.
A videoconferencia realizouse de 12.30 a 13.30 e no noso centro asistimos á proxección vía web no proxector da biblioteca.
Ao acto asistiu o alumnado de 3º e 4º de ESO e algún profesorado, polo que se xuntou máis de medio cento de persoas na transmisión.
O centro creou unha conta de twitter para poder interactuar con preguntas ou suxestións durante a vídeoconferencia.
Esta actividade contou co apoio do EDLG, Biblioteca e Extraescolares e dos Departamentos de Galego, Ciencias e Tecnoloxía.
No hay comentarios:
Publicar un comentario