Nesta segunda quincena de febreiro tivemos no centro unha segunda quenda de xogos populares. A primeira tanda estivera no mes de novembro co gallo do magosto e permaneceron unha semana máis. Esta segunda volta de xogos populares tivo, se cabe, un éxito meirande.
Desde o EDLG, que se encarga de xestionar a cesión destes xogos durante un par de semanas, estamos a pensar na posibilidade de re-crear algúns destes enredos, especialmente os que tiveron máis éxito. Para iso estamos a pensar nun proxecto co Departamento de Tecnoloxía que se encargaría da realización material e o Departamento de Galego e o EDLG encargaríanse de facer as instrucións, normas e explicacións dos xogos.
Con isto estariamos a colaborar na recuperación do noso patrimonio lúdico e ao mesmo tempo participariamos nunha proposta educativa con incidencia social que nos leva a contextualizar mellor o proxecto da Biblioteca deste curso na nosa terra.
Os xogos estiveron expostos no corredor principal do centro pero tamén se levaron a outros espazos como o ximnasio para utilizar algúns nas aulas de Educación Física.
Participaron no seu uso alumnado tanto de Primaria coma de Secundaria. Cómpre destacar o uso que se fixo voluntario nos recreos destes enredos que provocaron un interese maior aínda do esperado no tempo de lecer.
29 feb 2016
26 feb 2016
Actuación de García Mc
Este venres 26 de febreiro contamos coa actuación de García Mc, integrante do grupo Dios ke te crew, para pechar a semana de Rosalía.
A actuación realizouse na biblioteca do noso centro desde as 14.20 ata as 15.10 aproximadamente. Diante de máis de 100 persoas, o rapeiro galego interpretou poemas de Celso Emilio e Lois Pereiro xunto con outros temas do seu repertorio que tamén son poesía.
A atención estivo garantida por parte da práctica totalidade do público, destacando o interese por parte dunha parte do alumnado de 2º ESO que se quixo fotografar co músico de Ordes.
24 de febreiro: Día de Rosalía
No noso centro estivemos a realizar diversos actos de homenaxe a Rosalía en conmemoración polo seu nacemento. O 24 de febreiro foi proposto pola AELG en 2010 para celebrar o Día da escritora padronesa.
Para celebralo fixemos impresións de imaxes súas, de portadas dos seus libros, expuxemos poemas e o club de lectura agasallounos cun recital de obras súas.
Nestas actividades colaboraron co EDLG o club de lectura As Portadas, o Departamento de Lingua Galega e o Equipo da Biblioteca
Para celebralo fixemos impresións de imaxes súas, de portadas dos seus libros, expuxemos poemas e o club de lectura agasallounos cun recital de obras súas.
Nestas actividades colaboraron co EDLG o club de lectura As Portadas, o Departamento de Lingua Galega e o Equipo da Biblioteca
15 feb 2016
Neotrobadorismo de Portas versión 2.0.16
Xa temos a exposición de poesía neotrobadoresca de Portas. As cantigas de 3º de ESO xa están expostas no corredor superior. Aquelas e aquelas que as pasaron ás novas tecnoloxías xa as temos expostas.
A poesía medieval actualizada á linguaxe moderna en versión libre 2.0.16 permítenos descubrir poetas portenses que actualizan vellos tempos trobadorescos. O amor é un clásico actual.
A poesía medieval actualizada á linguaxe moderna en versión libre 2.0.16 permítenos descubrir poetas portenses que actualizan vellos tempos trobadorescos. O amor é un clásico actual.
Cartas de San Sadurniño
4 feb 2016
Concurso Sondoumia
Xa está en marcha unha nova edición do concurso Sondoumia. Se tés azos para cantar, se che gusta o escenario e a música, se deveces por imitar as estrelas do rock, aquí está a túa oportunidade para facelo en galego. Apúntate ao concurso de música da comarca e actuarás na Festa da Lingua.
Estas son os detalles para este curso:
Estas son os detalles para este curso:
"Sondoumia"
IV
Festival da Canción de Terras do Umia
A
coordinadora comarcal de Equipos de Dinamización da Lingua Galega
convoca o IV
concurso de cancións en galego “Sondoumia” (curso 2014-2015).
Poderán participar todos os centros educativos que integren a
Coordinadora Comarcal “Terras do Umia”
dos concellos de Barro, Caldas de Reis, Cuntis, Moraña e Portas.
Bases:
-
Poderase participar como solista ou como grupo.
-
Cada grupo ou solista poderá presentar unha canción.
-
As cancións teñen que estar en galego.
-
Poden ser temas propios ou versións de temas coñecidos.
-Poderán participar integrantes de distintos
centros nun mesmo grupo.
-Poderán participar integrantes de diferentes
etapas educativas no mesmo grupo (nese caso participarán pola
categoría b)
-Presentaranse
as gravacións en formato WAV, Mp3 ou nun formato audiovisual
(compatible cos programas máis habituais como VLC ou WMP)
Categorías:
a)
Infantil e Primaria
b)
ESO e Bacharelato
Prazo
e fases de presentación
Fase
previa
-Entregaranse as gravacións a integrantes do
Equipo de Dinamización de cada centro. Cada centro seleccionará
un máximo de dúas gravacións por categoría
-O
prazo de presentación comarcal
remata o venres 15
de abril
de 2015.
Fase
final
-As
e os finalistas interpretarán as súas cancións na “Festa da
Lingua” e alí coñeceranse as/ os premiadas/-os
Xurado
Un
xurado nomeado pola coordinadora Terras do Umia designará as persoas
que gañaron o concurso na Festa da Lingua. Valorarase a
orixinalidade das composicións
VIII Concurso de microtextos no CPI de Portas para Terras do Umia
Como cada curso nos últimos anos publicamos as bases para o concurso de microtextos. Esta edición ten unha novidade xa que en Infantil hai unha única modalidade e é nova: microcreación, na que se combina imaxe e debuxo coa palabra ou texto coa palabra do concurso. Nos demais cursos seguimos a ter as seccións de micropoemas e microrrelatos.
As bases son as seguintes:
As bases son as seguintes:
A
coordinadora comarcal de Equipos de Dinamización da Lingua Galega
convoca o VIII concurso de microtextos (curso 2015-2016). Poderán
participar todos os centros educativos que integren a Coordinadora
“Terras do Umia” dos concellos de Barro, Caldas de Reis,
Cuntis, Moraña e Portas :
Bases
do concurso:
-Sección
de Microcreación (só para Educación Infantil): Presentarase
unha creación que poida combinar imaxe (debuxo) e palabra ou
texto en galego. Poderase crear unha historia para toda a clase
ou pezas soltas (liberdade de enfoque) en formato A4.
-Sección
de Microrrelatos: O texto presentado debe de ser en galego
e non conter máis de 100 palabras.
-Sección
de Micropoemas: O texto presentado debe constar dun mínimo de
dous versos e un máximo de catro.
-Cada
persoa só poderá enviar un texto para cada sección.
-
A temática será libre, mais debe aparecer necesariamente a
palabra "devagar".
-
Os traballos deberán achegarse ao enderezo electrónico
edlgportas@yahoo.com ou
entregalo a integrantes do EDLG do centro. No texto presentado debe
constar o nome e apelidos do/a participante, o curso, o centro, así
como a categoría á que pertence.
-
O prazo límite para enviar os textos será o 22 de
febreiro de 2016
-Cada
centro escollerá dous finalistas por categoría e presentará os
textos “corrixidos”, ordenados por categorías, con letra Arial,
tamaño 12, interliñado 1.5, poñendo ao final de cada texto o
nome da persoa participante, curso e centro
-
Categorías:
A:
Infantil (microcreación)
B.
1: 1º ciclo de primaria.
B.
2: 2º ciclo de primaria.
B.
3: 3º ciclo de primaria
C:
Secundaria
D:
Bacharelato.
E:
Profesorado, persoal non docente e
familias.
-
Premios:
Cada centro outorgará os premios que considere oportunos aos seus
finalistas. Un xurado designado pola coordinadora dos Equipos de
Dinamización da Lingua Galega dos distintos centros concederá un
premio comarcal por categoría (en
E. Infantil "Diploma" participativo a cada grupo).
Valorarase a orixinalidade e
creatividade, así como a calidade lingüística e literaria.
Suscribirse a:
Entradas (Atom)